Autor: Eduardo Alonso
Dirección: Eduardo Alonso
Escenografía: Equipo Taetro
Son: Brais Morán
Iluminación: Eduardo Alonso
Vestiario: Equipo Taetro

Elenco artístico / formación:

Luma Gómez e Victoria Pérez

EXTRARRADIOS (Comedia das mulleres desamparadas) Comedia urbana, aínda que marxinal, sobre o froitífero encontro de dúas mulleres singulares: unha mendiga chegada ao punto de maior degradación, e unha puta de estrada barata e acabada, que disputan o seu espazo vital, a parada abandonada do bus 108. Nos límites imprecisos da cidade, e posiblemente tamén da realidade, móvense estes personaxes que, a pesar da súa lateralidade, manteñen o seu dereito a ser felices. Se cadra, todo podería acontecer doutro xeito, pero elas asumen cunha dignidade túzara a parte que lles tocou vivir. A casualidade fai que Raquel, a puta de estrada, e a mendiga se atopen. Transitan uns espazos onde o encontro era posible e, unha vez que este se dá, acontece como nesas asociacións interesadas de animais de distinta natureza que, complementándose, conviven. A súa asociación non dá como resultado a suma das súas posibilidades, senón que xera un novo ser distinto dos sumandos, con características e potencialidades nunca sospeitadas. A súa casual sociedade confírelles unha nova e brutal natureza que desenvolveran en toda a súa capacidade destrutora. Efectivamente, a mendiga e Raquel son, seguramente sen ser conscientes disto, mulleres desamparadas, colocadas no lugar menos favorecido da vida, unha porque é o lugar que lle corresponde nesa ruleta cega do destino, a outra por chegar a el no seu propio proceso de degradación. Atópanse, as dúas, no chanzo máis baixo da baixada aos infernos. Non obstante, acomódanse nel e deciden vivir ou, no seu caso, sobrevivir asumindo a súa situación coa calma que lles confire a súa humana natureza. E nós observámolas pola lente do microscopio do escenario, cun sorriso tenro sospeitando, ao tempo, que estamos máis reflectidos nelas do que parece aparentar.

Fonte culturavai.info

Comentarios

Escribir Comentario

Por favor, mantenga el tópico de los mensajes en relevancia con el tema del artículo. Lenguaje inapropiado será borrado. Por favor, no use los comentarios para promocionar su sitio, ese tipo de mensajes serán removidos. Aségurse de *Recargar* la página para mostrar un nuevo código de seguridad antes de cliquear 'Enviar', en caso de haber ingresado un código incorrecto.
Nombre:
E-mail
Sitio Web
Título:
Comentario:
Código:*
	Deseo ser informado por correo de los comentarios a esta noticia

Powered by AkoComment Tweaked Special Edition v.1.4.6